«Шахтер» стадионының мұз айдынында қысқы маусым ашылды

Қазақстан Республикасы Тәуелсіздігі күнін тойлау қарсаңында 13 желтоқсанда «Шахтер» стадионының мұз айдынында қысқы маусымның ашылуы өтті.
Іс-шараға мәнерлеп сырғанаушылар, ҚР Тәуелсіздіктің 10 жылдығы атындағы қысқы спорт түрлері бойынша олимпиада резервінің мамандандырылған балалар-жасөспірімдер және хоккеймен шайба спорт мектептерінің  тәрбиеленушілері қатысты. Балалар-жасөспірімдер спорт мектептері мен «Құлыншақ» балалар үйінің командалары арасында Көңілді мәрелер өткізілді. Шоу-бағдарламаның басты көрінісі – мотошабандоздар, автошабандоз-раллисттер Виталий Пучков, Борис Мачкалян, авторалли бойынша ҚР Кубогы кезеңінің жекімпазы, автоспорт бойынша ҚР спорт шеберлігіне үміткер Горун Шамхановтың көрнекі шығулары болды.